Display:
అధ్యాత్మ సంకీర్తన
రేకు: 1-2
సంపుటము: 1-2
తాళ్లపాక అన్నమాచార్య
రాగము: దేసాక్షి
వేదవేద్యులు వెదకేటి మందు
ఆదినంత్యములేని‌ ఆ మందు
॥పల్లవి॥
అడవిమందులుఁ గషాయములు నెల్లవారు
కడగానక కొనఁగాను
తొడిఁబడ నొకమందు దొరకె మాకు భువి-
నడియాలమైనట్టి ఆమందు
॥వేద॥
లలితరసములుఁ దైలములు నెల్లవారు
కలకాలము గొనఁగాను
చెలువైన దొకమందు చేరె మాకు భువి-
నలవిమీఱినయట్టియామందు
॥వేద॥
కదిసినజన్మరోగముల నెల్లవారు
కదలలేక వుండఁగాను
అదన శ్రీతిరువేంకటాద్రిమీఁదిమందు
అదివో మాగురుఁడిచ్చె నామందు
॥వేద॥
AndhraBharati AMdhra bhArati - telugu కీర్తన సాహిత్యము