ఆంధ్రభారతి - తాళ్లపాక అన్నమాచార్య కీర్తనలు - ఏల సిబ్బితిపడేవు; యేమి సేసేది; నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1133-3
సంపుటము: 21-190

తాళ్లపాక అన్నమాచార్య

రాగము: ఆహిరి

ఏల సిబ్బితిపడేవు; యేమి సేసేది; నీవు యేలిక విందరికైతే ఇంతలోనే తప్పెనా	॥పల్లవి॥
చెనకి నీమదిలోని సిగ్గులు వాపేకొరకే ననుపుసేసుక నీతో నవ్వితి నేను మనసు రంజిల్లఁజేసి మాటలాడేకొరకే చనవుసేసుకొని సరుసఁ గూర్చుంటిని	॥ఏల॥
ముంచిననీమొగమోటములు దీరిచేకొరకే వంచనతో నీయింటికి వచ్చితి నేను కొంచిననీమేనియళుకులు మానిపేకొరకే అంచెలఁ బైకొంటి నీకంటె ముందు నేను	॥ఏల॥
చేసిననీచేతఁలెల్లా జెల్లఁబెట్టేటికొరకే మూసి దించి కాఁగిలించి మొక్కితి నీకు వాసుల శ్రీవేంకటేశ వలపుఁరేఁచేకొరకే రాసికెక్కి నీకిచ్చకురాల నైతి నేను	॥ఏల॥