ఆంధ్రభారతి - తాళ్లపాక అన్నమాచార్య కీర్తనలు - ఇంటికి వచ్చినవాఁడ వీడేర్చుకోవయ్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1182-3
సంపుటము: 21-423

తాళ్లపాక అన్నమాచార్య

రాగము: పాడి

ఇంటికి వచ్చినవాఁడ వీడేర్చుకోవయ్య జంట గూడినవాఁడవు చనవియ్యవయ్యా	॥పల్లవి॥
తరుణి వలచినదే తప్పయితేఁగనక వురవుగా నీవది వోర్చుకోవయ్యా మరలి నిన్నుఁ జూచుటే మచ్చరమైతేఁగనక నిరతితో నందుకొను నీకు మొక్కేనయ్యా	॥ఇంటి॥
వెలఁది మాటాడినదే వెంగెములై తేఁగనక మలసి యీనేరమి మన్నించవయ్యా అలమిపట్టినదే అపరాధమైతేఁ గన బలిమిచెల్లఁగ నీకుఁ బంతమిచ్చీనయ్యా	॥ఇంటి॥
ఇంతి పాదాలొత్తి నదే యెగ్గులైతేఁ గనక చెంతనే నేరు పాపెకుఁ జెప్పవయ్యా కాంతను శ్రీవేంకటేశ కలిసితి వింతలోనె వింతవింతరతులను వియ్యమందవయ్యా	॥ఇంటి॥