ఆంధ్రభారతి - తాళ్లపాక అన్నమాచార్య కీర్తనలు - ఆతనికి నీకు నింపులై యుండఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1225-3
సంపుటము: 22-147

తాళ్లపాక అన్నమాచార్య

రాగము: బౌళి

ఆతనికి నీకు నింపులై యుండఁగా యీతలాతలివారి కెంచఁగనేమిటికి	॥పల్లవి॥
మగఁడుమన్నించేదానిమాటలెల్లాఁ జక్కనే తగవరివనితపంతము చక్కన నగనేరిచినదానినటనలెల్లా జక్కన యెగసకెములాడఁగ యెవ్వరికేమిటికి	॥ఆత॥
సిరిగలిగినదానిచేఁతలెల్లాఁ జక్కనే పొరుగుపోరచికాంతపొందు చక్కన సరినిచ్చకపుదానిసరసములు చక్కన దొరకొని యెవ్వరికి దూరఁగనేమిటికే	॥ఆత॥
పాయము గలుగు దాని పగటులెల్లాఁ జక్కనే చాయయెఱిఁగినసతిజాడ చక్కన యీయెడ శ్రీవేంకటేశుఁడే నలమేలుమంగను పాయక నన్నేలె తాము పచ్చార నేమిటికే	॥ఆత॥