ఆంధ్రభారతి - తాళ్లపాక అన్నమాచార్య కీర్తనలు - ఇంక నీచిత్తమేకాని యీపె కడ మేమి లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1231-6
సంపుటము: 22-186

తాళ్లపాక అన్నమాచార్య

రాగము: ఆహిరి

ఇంక నీచిత్తమేకాని యీపె కడ మేమి లేదు అంకెల నీకె గుణమే లరసేవు నీవు	॥పల్లవి॥
పవళించి వుండితే నీపాదా లోత్తనేరుచు ఇవలఁ గూచుండి విడెమియ్యనేరుచు నవకమై లాలించితే నవ్వులు నవ్వనేరుచు నివిరి ఇంకా నేమైనా నేరువు మీకెకును	॥ఇంక॥
మచ్చిక నీవుసేసితే మాటాలాడనేరుచు ఇచ్చగించితే వీణె వాయించనేరుచు పచ్చిగా మన్నించితే పక్కనుండనేరుచు నిచ్చనిచ్చ యేమైనా నేరువు మీకెకును	॥ఇంక॥
కానిమ్మనివుంటే మతి గరఁగించనేరుచు మేనంటినీవు గూడితే మెచ్చనేరుచు యే నలమేలుమంగను నన్నేలితి శ్రీవేంకటేశ నీనేరుపు లేమైనా నేరుపు మీకెకును	॥ఇంక॥