ఆంధ్రభారతి - తాళ్లపాక అన్నమాచార్య కీర్తనలు - మూరెఁడు గొప్పుతోడి ముద్దరాలికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1268-2
సంపుటము: 22-404

తాళ్లపాక అన్నమాచార్య

రాగము: నాదరామక్రియ

మూరెఁడు గొప్పుతోడి ముద్దరాలికి చీరుమూరాడీ వలపు చిత్తగించవయ్యా	॥పల్లవి॥
కంచపుమోవి చూపి కాఁగిలించుమని నీకు లంచమిచ్చీ నదివొ లలితాంగి కొంచక పయ్మదలోని గుబ్బలు గానుకవట్టి వంచనతో మొక్కీ నాకెవంక చూడవయ్యా	॥మూరె॥
చిక్కగా నవ్వులునవ్వి సిగ్గులువడుకొంటాను చక్కెరమాఁట లాడీ జవరాలు తక్కక కొలువు సేసి దండనుండి తమిరేఁచి చెక్కునొక్కి వేఁడుకొనీ సేసవెట్టవయ్యా	॥మూరె॥
చల్లనిచూపులఁ జూచి సన్నలనే రతులకు మెల్లనే పిలిచీ నలమేలుమంగ యిల్లిదె శ్రీవేంకటేశ యింతలో నీవు గూడఁగా చల్లీ నీపై సరసము చనవియ్యవయ్యా	॥మూరె॥