ఆంధ్రభారతి - తాళ్లపాక అన్నమాచార్య కీర్తనలు - కడమలే దేమిటాను ఘనుఁడవయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1320-5
సంపుటము: 23-119

తాళ్లపాక అన్నమాచార్య

రాగము: సౌరాష్ట్రం

కడమలే దేమిటాను ఘనుఁడవయ్యా కడుపులోనే నేర్పితి కంటిమయ్యా	॥పల్లవి॥
సిగ్గువడ్డఆపెనే చీరవట్టి తీసేవు అగ్గలమైతి వన్నిటా నౌనయ్యా వొగ్గి నవ్వేయాపెనే వూరకే గిలిగించేవు తగ్గులేనిజాణఁడవు తగునయ్యా	॥కడ॥
మొక్కేటియా సెపైనే మోపేపు నీపాదములు మిక్కిలి నేరుపరవి మేలయ్యా అక్కరపడేయాపెకే ఆసలు మరి రేఁచేవు యెక్కువగుణాలు నీయం దెఱిఁగితిమయ్యా	॥కడ॥
కూడేటియాపెనే కుచ్చి కాఁగిలించేవు వోడనేమిటికి నీవు వొప్పితిమయ్య పాడితో శ్రీవేంకటేశ పైకొని యాపెఁ బైకొంటి వేడనైనా నీవే దొర నియ్యకొంటిమయ్యా	॥కడ॥