ఆంధ్రభారతి - తాళ్లపాక అన్నమాచార్య కీర్తనలు - వట్టి బూటకాన వడి నన్ను దూరేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1320-6
సంపుటము: 23-120

తాళ్లపాక అన్నమాచార్య

రాగము: తెలుఁగుఁగాంబోది

వట్టి బూటకాన వడి నన్ను దూరేవు దట్టించి ముట్టితే తాఁకీనటరా	॥పల్లవి॥
కొప్పువట్టితీసి గోర గీరితే యిప్పుడింతలోనే యేమాయరా వుప్పతించి నిన్ను నొట్టువెట్టితే కప్పిననీమేను కనుగందెనటరా	॥వట్టి॥
తిలకించి చూచి తిట్టుదిట్టితే యెలమి నింతలో నేమాయరా లలి సరసాన లావు చూపితే అలసి నీ వుర మగడాయనటరా	॥వట్టి॥
సారె గాఁగిలించి చన్నుల నొత్తితే యేరా యింతలోనే యేమాయరా యీరీతి శ్రీవేంకటేశ నేఁ గూడితే బీరపునీమోవి పిప్పాయనటరా	॥వట్టి॥