ఆంధ్రభారతి - తాళ్లపాక అన్నమాచార్య కీర్తనలు - ఎదురాడఁజాలదు యేమిసేసినా నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1324-5
సంపుటము: 23-143

తాళ్లపాక అన్నమాచార్య

రాగము: ఆహిరి

ఎదురాడఁజాలదు యేమిసేసినా నీకు వదలుఁ దురుమువట్టి వంచకువయ్యా	॥పల్లవి॥
చెక్కునఁ జేయివెట్టుక చింతించేచెలియకు పుక్కిటితమ్ముల మిడి పొదిగేవు వెక్కసపువిరహాన వేగించె నిందాఁకా పిక్కటిల్లుఁజన్నులు పిసుకకువయ్యా	॥ఎదు॥
వుమ్మగిలుఁజెమటచే నోలలాడేమగువను కమ్ముక యిప్పుడు వచ్చి కాయమంటేవు నెమ్మనపుఁదమకాన నెరి నలసె నిందాఁకా బిమ్మిటిగాఁ జేయివట్టి పెనఁగకువయ్యా	॥ఎదు॥
వుసురసురనుకొంటానుండేయల మేలుమంగను పొసగించి కూడి యిట్టె భోగించితివి యెసఁగ శ్రీవేంకటేశ యెనసె నిన్నిందాఁకా వెస మోవి గంటిగావించకువయ్యా	॥ఎదు॥