ఆంధ్రభారతి - తాళ్లపాక అన్నమాచార్య కీర్తనలు - ఆనతియ్యఁగదవే అదియు మా సంతోసమే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1365-4
సంపుటము: 23-388

తాళ్లపాక అన్నమాచార్య

రాగము: ఆహిరి

ఆనతియ్యఁగదవే అదియు మా సంతోసమే పూచిన సిగ్గుల నింత పొరలఁగ నేఁటికే	॥పల్లవి॥
చెలరేఁగిచెలరేఁగి చెలులతో మాటాడేవు మలసియాతఁడు నిన్ను మన్నించెనటే సెలవులనే నవ్వులుచిమ్మిరేఁగి వున్నవి అలమి అన్నిటా నిన్ను నాదరించెనా	॥ఆన॥
భావించిభావించి యట్టె పాటలెల్లాఁ బాడేవు సేవలకు మెచ్చాతఁడు చెక్కు నొక్కెనా కావిరి వేడుకలనుఁ గడునుబ్బీ నీమేను మోవియిచ్చి యాతఁడు నీమోహము చేకొనెనా	॥ఆన॥
చొక్కిచొక్కి తమకాన సొరిదిఁ బులకించేవు యెక్కువ శ్రీవేంకటేశుఁడిట్టె కూడెనా పుక్కిటివిడెముతోడఁ బొదలుచు మురిసేవు చక్కనియీతఁ డింతేసి చన విచ్చెనా	॥ఆన॥