ఆంధ్రభారతి - తాళ్లపాక అన్నమాచార్య కీర్తనలు - అన్నియు నీయందే అమరెనట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1402-1
సంపుటము: 24-7

తాళ్లపాక అన్నమాచార్య

రాగము: దేసాళం

అన్నియు నీయందే అమరెనట కన్నియ ఇందుకు మారుగత చెప్పవే	॥పల్లవి॥
కలువలు వికసింపఁ గమలములై తోఁచె గలికి విన్నిట నీకత చెప్పవే అలులంటా బడిఁబోతే అన్నయు నీలములాయ కలగాదు ఇది యొక్కకత చెప్పవే	॥అన్ని॥
జక్కవలు గండుమీది సరిఁ బైడికుండలాయ గక్కన విచారించి కత చెప్పవే మక్కువతో బులినాలు మదనచక్రములాయ కక్కసము మాని నాకీకత చెప్పవే	॥అన్ని॥
ఆకసము చూడజూడ నదె సింహమాయ నట కాకుగాదు ది యొక్కకత చెప్పవే యీకడను శ్రీవేంకటేశుఁడను నే నిన్ను పై కొన్న దిది యొక్కకత చెప్పవే	॥అన్ని॥