ఆంధ్రభారతి - తాళ్లపాక అన్నమాచార్య కీర్తనలు - ఒక్కటికి నురిగట్టే వొంటికి దాయిగట్టే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1406-1
సంపుటము: 24-31

తాళ్లపాక అన్నమాచార్య

రాగము: సామంతం

ఒక్కటికి నురిగట్టే వొంటికి దాయిగట్టే- వెక్కువ గోవాళవిద్య లీడఁ జేయవలెనా	॥పల్లవి॥
నిక్కినిక్కి యాకెఁ జూడ నిడివి యాడకు నీడ అక్కడికే పోరాదా అంతగలితే మొక్కిమొక్కి నన్నుజూఁచి మూఁగసన్నలేలసేయ ఇక్కడికే రారాదా యింతగలితేను	॥ఒక్క॥
చెప్పిచెప్పి పంపనేల సెలవుల నవ్వనేల అప్పటి నీ వేఁగరాదా అంతగలితే తిప్పితిప్పి నాతోనుఁదెగి జాణతనమేల యిప్పుడే మన్నించరాదా యింత గలితేను	॥ఒక్క॥
పూచిఁపూచిఁ మాని నాతో బూమెలు సేసేవుగాక ఆచాయ నుండవా నీ వంతగలితే చేచేతఁ గూడితివి శ్రీవేంకటేశ నన్ను యీ చలమే నీకు దక్కె నింత గలితేను	॥ఒక్క॥