ఆంధ్రభారతి - తాళ్లపాక అన్నమాచార్య కీర్తనలు - ఏదాయనేమి రొట్టె కింతా రేవేకాదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1422-6
సంపుటము: 24-132

తాళ్లపాక అన్నమాచార్య

రాగము: ముఖారి

ఏదాయనేమి రొట్టె కింతా రేవేకాదా దాదాత మోచెఁ బని తానే నేఁగానా	॥పల్లవి॥
కలికి మాటాడకున్న కంకణాలే మాటలాడీ మలసి యవే తననూరు గావా కులికి తాఁ జూడకున్న కుచాలు దలెత్తిచూచీ అలర నవే తనయంగములుగావా	॥ఏదా॥
చిత్తములోఁ దూరకున్న చెవులైన మాఁట దూరీ మత్తిల్లి యవే తనమారుగాదా పొత్తుకుఁ బిలువకున్నదోస మొక్కటియయ్యీ కొత్తగా నదియు నొక్కకూటమే కాదా	॥ఏదా॥
కాయములు వేరైతే కాఁగిలి వొక్కటేయయ్యీ మాయల నేనే తనమారు గాదా చేయారఁ గూడితి నిట్టె శ్రీవేంకటేశుఁడను చాయలు సన్నలు నొక్కసరియే కాదా	॥ఏదా॥