ఆంధ్రభారతి - తాళ్లపాక అన్నమాచార్య కీర్తనలు - పంతగాఁ డప్పటి నన్నుఁ బైకొననేలే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1601-1
సంపుటము: 26-1

తాళ్లపాక అన్నమాచార్య

రాగము: ముఖారి

పంతగాఁ డప్పటి నన్నుఁ బైకొననేలే పొంత చెమటలలోనె పుంగుడయ్యేఁగాక	॥పల్లవి॥
మక్కువలేనివిభుఁడు మాటలాడఁ బనియేమే వొక్కమనసునఁ దానే వుండుగాక చిక్కని నవ్వులతోనే సెలవి గొణఁగనేలే వుక్కవలపుల నేనే వుమ్మగిలేఁ గాక	॥పంత॥
మనసురానిపతి మముఁ దిట్టఁబనియేమే తనరాజసముతోనే దైవారుఁగాక కనుచూపుఁగోపముతో కాఁకపులకలతోనే తనరూపు దలపోసి తమకించేఁగాక	॥పంత॥
అలిగినరమణుఁడు ఆసపడి కూడనేలే పిలిచినదాఁకా నుండి పెనఁగుఁగాక చెలఁగి వేడుకతోడ శ్రీ వేంకటేశుఁడు దానె కలఁడు నాకు గతెని కళదేరేఁగాక	॥పంత॥