ఆంధ్రభారతి - తాళ్లపాక అన్నమాచార్య కీర్తనలు - ఇటమీఁద నీవు మరి యేమిసేసేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1639-6
సంపుటము: 26-233

తాళ్లపాక అన్నమాచార్య

రాగము: రామక్రియ

ఇటమీఁద నీవు మరి యేమిసేసేవు చిటుకన నేమే అక్కచెల్లెండ్ల మైతిమి	॥పల్లవి॥
తతిగొని చెప్పేవు తగవులు నీకు నీవే యితవరివలెనే యీకెకు నాకు మతకారివాఁడవు నీ మర్మము నేనెఱుఁగుదు సతుల మిద్దరమును సంతమైతి మిపుడు	॥ఇట॥
నెట్టుకొని సాకిరై నిలిచేవు నీవే వచ్చి చుట్టము వలెనే వుండి సారిది మాకు గుట్టువాయవాఁడవు నీ కతలు నే నెఱుఁగుదు గుట్టున బాసలు సేనుకొంటిమి నే నిపుడు	॥ఇట॥
యీవేళ పొందులు విడే లిచ్చేవు చేత నీవే భావ మరఁటివలెనే పైపై నీవు శ్రీవేంకటేశ్వరుని చత్తము నేనెఱుఁగుదును యీవర సవతులమై యీడేరితిమిపుడు	॥ఇట॥