ఆంధ్రభారతి - తాళ్లపాక అన్నమాచార్య కీర్తనలు - ఇంకనేల నాకు వెరపింతమాట గలిగియు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 244-4
సంపుటము: 3-251

తాళ్లపాక అన్నమాచార్య

రాగము: సాళంగనాట

ఇంకనేల నాకు వెరపింతమాట గలిగియు సంకెలెల్లఁ బాసె నాస్వతంత్రము లొక్కటే	॥పల్లవి॥
నేనెంత పాపబుద్ధినై నేరమెంత సేసినాను కానీలే నన్నెలేవాఁడు కావఁగలఁడు ఆనతిచ్చెఁ దొల్లె యాతఁ డదె చరమార్థమందు మేనిదోసమెల్లఁ బాపి మేలొసఁగేననుచు	॥ఇంక॥
మట్టులేకతనినెంత మరచి నే వుండినాను పుట్టించిన దేవుఁడే ప్రోవఁగలఁడు గుట్టుచూపె తొల్లె తన గుణము పాండవులందు గట్టిగాఁ దనవారైతే కాచుకుందుననుచు	॥ఇంక॥
తప్ప నే నడచినాను తగిలి శ్రీవేంకటేశుఁ- డొప్పులు సేసి రక్షించ నొద్దఁగలఁడు చెప్పనేల గోపికలు సేసిన దోసాలు దొల్లి కప్పుక పుణ్యాలు సేసె ఘనుఁడఁ దాననుచు	॥ఇంక॥