ఆంధ్రభారతి - తాళ్లపాక అన్నమాచార్య కీర్తనలు - ఏమని చెప్పగవచ్చు నీసంతోషవుసుద్ది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 244-6
సంపుటము: 3-253

తాళ్లపాక అన్నమాచార్య

రాగము: మాళవిగౌళ

ఏమని చెప్పగవచ్చు నీసంతోషవుసుద్ది నామము శ్రీకృష్ణుఁడట నారాయణునికి	॥పల్లవి॥
జనని దేవకిదేవి జనకుఁడు వసుదేవుఁ- డనఘుడైనయట్టి ఆదిమూర్తికి ఘనలోకరక్షణ కంసుమామ గండమును తనకుఁ గారణమట దైవశిఖామణికి	॥ఏమ॥
పుట్టినది మధుర పెంపుడుఁజోటు రేపల్లె వొట్టిన మాయల పురుషోత్తమునికి పట్టిన పాండవపక్షపాతము కౌరవవైర- మిట్టి వ్రాఁతఫలమట యీశ్వరేశ్వరునికి	॥ఏమ॥
గోవులఁ గాచేదియు గొల్లెతలఁ బొందేదియు ఆవేళ గుణము యీ యచ్యుతునికి శ్రావణబహుళాష్టమి చంద్రోదయము రోహిణి కావింప జన్మమిదివో శ్రీవేంకటపతికి	॥ఏమ॥