ఆంధ్రభారతి - తాళ్లపాక అన్నమాచార్య కీర్తనలు - ఆలి మగనికి నౌఁగాము లేడవి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1682-4
సంపుటము: 26-489

తాళ్లపాక అన్నమాచార్య

రాగము: శంకరాభరణం

ఆలి మగనికి నౌఁగాము లేడవి మేలుగలిగితే మెచ్చుట గాక	॥పల్లవి॥
జంకించనేఁటికి సారెకు నే నీ- వంకలాడి కడు వలచితిని మంకు గొల్లెతలు మందనుండి రాగా కొంకక కూడితేఁ గూడితిగాక	॥ఆలి॥
అలుగనేఁటికి యప్పుడే నే నీ- పలుకులకే భ్రమసితి బలువ నీతల పదారువేపుర కలిమి గైకొంటేఁ గైకొంటిగాక	॥ఆలి॥
సోదించనేఁటికి చొక్కి నిన్నుఁ గూడి సాదించి నీమోవి చవిగొంటి యీదెస శ్రీవేంకటేశ నీ వెవ్వరి బోదించి పొందినాఁ బొందుదుగాక	॥ఆలి॥