ఆంధ్రభారతి - తాళ్లపాక అన్నమాచార్య కీర్తనలు - ఎగ్గుపట్టేవు గనక యెరవా నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1725-2
సంపుటము: 27-146

తాళ్లపాక అన్నమాచార్య

రాగము: మధ్యమావతి

ఎగ్గుపట్టేవు గనక యెరవా నాకు సిగ్గు విడిపించే నింతే చెల్లదా నాకు	॥పల్లవి॥
చెన్నుమీర నిన్ను సాము సేఇంచేకొరకుఁగాక చన్నుల నొత్తక నీతో చలమా నాకు తిన్నని నీగుణ మిట్టె దిద్దుకొనే మింతే కాక పన్ని నిన్ను జంకించఁ బంతమా నాకు	॥ఎగ్గు॥
దక్కిన పెండ్లినాటి తగవు నేరిపేఁగాక గక్కనఁ గాలు దాఁకించ గర్వమా నాకు లక్కవలె గరఁగించి లావులు నెరపేఁగాక పెక్కుమారులు వెనఁగ బిగువా నాకు	॥ఎగ్గు॥
యెంగిలి పొత్తు గలసి యెనసే కొరకుఁగాక సంగతిగా మోవియ్య రాజసమా నాకు కుంగక శ్రీ వేంకటేశ కూడితి మేలుకే కాక అంగమెల్లా నలయించ నంతపగా నాకు	॥ఎగ్గు॥