ఆంధ్రభారతి - తాళ్లపాక అన్నమాచార్య కీర్తనలు - ఇంతిని మన్నించుటకు నిదేవేళ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1728-2
సంపుటము: 27-164

తాళ్లపాక అన్నమాచార్య

రాగము: ఆహిరి

ఇంతిని మన్నించుటకు నిదేవేళ వింత సేయక లోనికి విచ్చేయరాదా	॥పల్లవి॥
రచ్చలఁబడె వలపు రాసులై నిండె వలపు యిచ్చట నాయకుడవు యేమి సే సేవు పచ్చకప్పురపు ధూళిపాలాయ విరహము తచ్చిచూచి ఇఁక దయఁతలఁచరాదా	॥ఇంతి॥
దొంతులు నిండెఁ గోరిక దొడ్లు చొచ్చెఁగోరిక ఇంతు లిందరిలో నీవు యేమి సే సేవు చింత చెక్కిటిచేఁతికి సెలవాయ జవ్వనము కాంతుఁడ వీపె నింతటఁ గరుణించరాదా	॥ఇంతి॥
అడియాలమాయ రతి ఆయములంటెను రతి యెడయకు మక్కడ నీవేమి సేసేవు చిడుముడి గూడితివి శ్రీ వేంకటేశ సతిని పిడికిటిపాలఁ గృపపెట్టఁగరాదా	॥ఇంతి॥