ఆంధ్రభారతి - తాళ్లపాక అన్నమాచార్య కీర్తనలు - ఆసపడ్డపుడు రాక అలసినప్పుడు వచ్చి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1767-4
సంపుటము: 27-401

తాళ్లపాక అన్నమాచార్య

రాగము: రామక్రియ

ఆసపడ్డపుడు రాక అలసినప్పుడు వచ్చి వేసరించేవు రతికి వేళలు గానీరా	॥పల్లవి॥
చివ్వనఁ దియ్యకురా చేయివట్టి నీవు నన్ను పువ్వువంటిదాన నొప్పుల కోపను ఇవ్వల బానుపుపై నీ కెదురు చూచుకొంటా పవ్వళించి వుంటిని యే పరాకై వుంటివో	॥ఆస॥
కప్పకురా పచ్చడము కాఁగిటిలో నీవు నాకు కప్పురము వంటిదాన కాఁక కోపను చెప్పరాని కోరికతో సిగ్గులెల్లాఁ బారవేసి అప్పటినుండియు నుంటి నాడనేల నుంటివో	॥ఆస॥
మిగులాఁ బిసుకకురా మించి నా చన్నులు నీవు చిగురువంటి దానను చేఁత కోపను తగిలి శ్రీ వేంకటేశ దక్క నన్నుఁ గూడితివి అగపడి యుంటిని యేమనుచు నీవుంటివో	॥ఆస॥