ఆంధ్రభారతి - తాళ్లపాక అన్నమాచార్య కీర్తనలు - ఆయఁ దొల్లె అన్నిపను లాపెకేమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1773-2
సంపుటము: 27-435

తాళ్లపాక అన్నమాచార్య

రాగము: ఆహిరి

ఆయఁ దొల్లె అన్నిపను లాపెకేమి ఆయా లెల్లాఁ జేకొనె నాపె కేమి	॥పల్లవి॥
వీడె మిచ్చె నిన్నుఁ బట్టి వింతచేఁతలెల్లాఁ జేసె ఆడనుండే నవ్వు నవ్వె నాపె కేమి వాడుదేరఁజేసి నావద్దికి నిన్నంపి చూచీ ఆడికెకు వెఱవదు ఆపెకేమి	॥ఆయఁ॥
చిప్పిల నెంగిలిసేసి చేరి నిన్ను నాకిచ్చె అప్పసము గాచుకొన్న దాపె కేమి వొప్పుగ నాయింటిలోనె వురమెక్కె తాను నీకు అప్పుడు నిప్పుడుఁదానె యాపె కేమి	॥ఆయఁ॥
నేను తొలసిదేవిని నీపాదాలు పూజింపించి ఆనుక తా విఱ్ఱవీఁగీ నాపెకేమి తానె యలమేలుమంగ తగు శ్రీ వేంకటేశుఁడ ఐనతగవు నెరపె నాపె కేమి	॥ఆయఁ॥