ఆంధ్రభారతి - తాళ్లపాక అన్నమాచార్య కీర్తనలు - నెట్టుకొన్న మగఁడవు నీవే కదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1773-6
సంపుటము: 27-439

తాళ్లపాక అన్నమాచార్య

రాగము: ఆహిరి

నెట్టుకొన్న మగఁడవు నీవే కదా యిట్టె నేఁ బదరఁగా యేమాయ నాకును	॥పల్లవి॥
పంగించి నిన్ను బలిమిఁబట్టి పెనఁగఁగనేల సంగడివారితో పాటు చాలదా నాకు యింగిత మెఱిఁగి నేనిట్టె వుంటే మేలుగాక యెంగిలి సేసుకోఁగా యేమాయ నాకును	॥నెట్టు॥
వాదడిచి నిన్నుఁ గడువంచుక తిరుగనేల సాదననిపించుకొంట చాలదా నాకు నీదయ గోరుకవుంటే నీవే మెచ్చేవు గాక యేదియని కొసరఁగా నేమాయ నాకును	॥నెట్టు॥
సలిగె శ్రీవేంకటేశ సారె నీతోఁ జెప్పనేల అలమేలుమంగవార మౌట చాలదా వలపుతో నేనుంటే వచ్చి కూడితివి గాక యెలమి రట్టు సేయఁగా నేమాయ నాకును	॥నెట్టు॥