ఆంధ్రభారతి - తాళ్లపాక అన్నమాచార్య కీర్తనలు - నీ విఁక నేమన్నాను నీకు నీతోడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1811-1
సంపుటము: 28-58

తాళ్లపాక అన్నమాచార్య

రాగము: ఆహిరి

నీ విఁక నేమన్నాను నీకు నీతోడు కైవసమాయఁ బనులు కడమ లే లిఁకను	॥పల్లవి॥
వలిపెపయ్యదలోని వాసనగుబ్బలతోడు పలుకవే చలములు పచరించక పలచనైన నీ పచ్చికెమ్మోవితోడు సొలసి తలవంచక చూడవే నాదిక్కు	॥నీవిఁక॥
సిగ్గులుదాఁచికట్టి చెంగావి చీరతోడు వొగ్గి పట్టవే విడెము వుద్దండాలేల దిగ్గనఁ గస్తూరి యలఁదిన నీచంకలతోడు దగ్గరి కూచుండవే వింతలేల నీకు	॥నీవిఁక॥
తరితీపు చూపుల నీతళుకుఁ గన్నులతోడు గిరిగొన నీట్టె కాఁగిట నించవే చిరిఁజెమటలతోడి శ్రీవేంకటేశుఁడ నేను మెరసె నీనా పొందు మితిమీరి యిపుడు	॥నీవిఁక॥