ఆంధ్రభారతి - తాళ్లపాక అన్నమాచార్య కీర్తనలు - తగును మీ ఇద్దరికి తలఁచుకో నా మాఁట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1811-3
సంపుటము: 28-60

తాళ్లపాక అన్నమాచార్య

రాగము: శ్రీరాగం

తగును మీ ఇద్దరికి తలఁచుకో నా మాఁట నెగడె మీ కూటములు నిక్కములు నేఁడు	॥పల్లవి॥
వదలఁదగునా ప్రియము వలపుగలవారికిని యెదురుకొని వినయములు హెచ్చవలెఁగాక చెదరఁదగునా మనము చెలిమిగలవారికిని పొదలి ఇచ్చకములనే పొరలవలెఁగాక	॥తగు॥
విడువఁదగునా యాస వేడుకగలవారికిని వుడివోని తమకమున నుండవలెఁగాక కడవఁదగునా మాట కైవసవువారికిని కొడిసాగఁబను లియ్యకొనఁగవలెఁగాక	॥తగు॥
మఱవఁదగునా మేలు మమతగలవారికిని మెఱసి రతులను నేర్పు మించవలెఁగాక వెఱవఁదగునా చనవు వెలఇంచువారికిని యెఱిఁగి శ్రీవేంకటేశు నెనయవలెఁగాక	॥తగు॥