Display:
శృంగార సంకీర్తన
రేకు: 1815-3
సంపుటము: 28-82
తాళ్లపాక అన్నమాచార్య
రాగము: ఆహిరి
చెలియున్న చందమైతేఁ జెప్పఁగరాదు
నెలకొని యెట్లా మన్నించేవో కాని
॥పల్లవి॥
వేమారు చెలిసుద్దులు విన్నపాలు సేయఁగాను
యేమని వున్నదో చిత్త మెఱఁగమయ్యా
కామిని యంపినయట్టి కానుక నీకిచ్చితిమి
చేముట్టి కైకొంటి వేమిసేసేవో కాని
॥చెలి॥
సతికడకు రమ్మని సారె నిన్నుఁ బిలువఁగా
ఇతవు నీకెట్టున్నదో యెఱఁగమయ్యా
అతివమొక్కులు నీకు నప్పగించితి మాపె -
కతలూ వింటి వెప్పుడు గలసేవో కాని
॥చెలి॥
గుట్టుతోడ నింతికిఁగాఁ గొచ్చికొచ్చి కొసరఁగా
యెట్టున్నదో నీయెన్నిక యెఱఁగమయ్యా
ఇట్టె శ్రీవేంకటేశ యేలితి వింతలో వచ్చి
చుట్టమ వైతివి యెంత చొక్కేవో కాని
॥చెలి॥
AndhraBharati AMdhra bhArati - telugu కీర్తన సాహిత్యము