ఆంధ్రభారతి - తాళ్లపాక అన్నమాచార్య కీర్తనలు - ఇన్నిటాఁ దా నేరుపరి యిల్లాల నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1854-4
సంపుటము: 28-315

తాళ్లపాక అన్నమాచార్య

రాగము: భైరవి

ఇన్నిటాఁ దా నేరుపరి యిల్లాల నేను చిన్నదానఁ బ్రియమెంత చెప్పీనే తాను	॥పల్లవి॥
వొడఁబరచినమాఁట లూఁకొంటిఁగదవే నడుమఁ దా నేమనినా నవ్వితిఁగదె అడియాలాలు చెప్పితే నౌఁగాదనఁగదవె తడవి నన్నేమిటికిఁ దగిలీనె తాను	॥ఇన్ని॥
చలపట్టి వేఁడుకొంటే సమ్మతించితిఁగదవె సొలసితే తనమోము చూచితిఁగదె అలరి విడెమిచ్చితే నందుకొంటిఁ గదవె కొలఁది మీర నన్నెంత కొసరీనే తాను	॥ఇన్ని॥
పాదములు చాఁచితేను పట్టి వొత్తితిఁ గదవే మోదమున మెచ్చితేను మొక్కితేఁగదే యీదెస శ్రీవేంకటేశఁ డింతలోనే నన్నుఁ గూడె పోదిసేసి నన్నేల పోదిగీనే తాను	॥ఇన్ని॥