ఆంధ్రభారతి - తాళ్లపాక అన్నమాచార్య కీర్తనలు - ఇదివో ద్రిష్టాంతాలు యేచి??? చూడరే చెలులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1897-3
సంపుటము: 28-571

తాళ్లపాక అన్నమాచార్య

రాగము: పాడి

ఇదివో ద్రిష్టాంతాలు యేచి??? చూడరే చెలులు యెదురెదురను మనయింటిలోనె వున్నవి	॥పల్లవి॥
మాటలెల్లా మంచివే మనసు లెనసితేను చాటువకెక్కు పొందులు సమ్మతించితే వాటమౌనుఁ దమకము వలపులు మించితేను పాటించి కూరిమిగలపతికి సతికిని	॥ఇది॥
చేసినవెల్లాఁ జేఁతలే చేరి చుట్టాలై యుండితే ఆసలు రేఁగు నెప్పడూ సండనుండితే బాసలెల్లా నీడేరు పాయని తగులైతేను సేసవెట్టి పెండ్లాడిన చెలికి మగనికి	॥ఇది॥
భావించిన వెల్లా నౌను బత్తి కడుఁగలిగితే చేవదేరుఁ గోరికలు చెనకి తేను వావులొనఁగూడీ నిదేవరుసఁ బెండ్లాడఁగాను శ్రీవేంకటేశునకు శ్రీమహాదేవికి	॥ఇది॥