ఆంధ్రభారతి - తాళ్లపాక అన్నమాచార్య కీర్తనలు - తారుకాణ లిఁకనేలా తగులైన పనులకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1897-4
సంపుటము: 28-572

తాళ్లపాక అన్నమాచార్య

రాగము: ముఖారి

తారుకాణ లిఁకనేలా తగులైన పనులకు నేరుతు వన్ని విద్యలా నెరజాణ వౌదువు	॥పల్లవి॥
సొరిది నీమోవిమిఁది సూదివాటులే చెప్పీ గరిమల నీవు సేసే కాఁపురాలెల్లా కురులు చెదరినట్టి గురుతులే చెప్పీని సుతవిభముల చొప్పలెల్లాను	॥తారు॥
చెక్కులమిఁదటి నీ చిరుఁ జెమటలే చెప్పీ గక్కన నీవు గడించే కలిమెల్లాను చక్కని నీమోము కళకే చాటిచాటి చెప్పీని మక్కువతో నీమనసుమర్మములెల్లాను	॥తారు॥
మనుకొన్న నీ ముసిముసి నవ్వులే చెప్పీ పనివోని పొందులదాఁపురాలెల్లా య(యె?) నసిన శ్రీవేంకటేశ నీకాఁగిలే చెప్పీ జునగని నీనా సంది చుట్టరికా లెల్లును	॥తారు॥