ఆంధ్రభారతి - తాళ్లపాక అన్నమాచార్య కీర్తనలు - చిత్తమురాఁ దనసేవ సేసేఁగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1900-5
సంపుటము: 28-591

తాళ్లపాక అన్నమాచార్య

రాగము: ఆహిరి

చిత్తమురాఁ దనసేవ సేసేఁగాక హత్తి నన్ను మోవి చవు లడుగఁగవలెనా	॥పల్లవి॥
యెప్పడు దా నేమనినా నియ్యకొని నిచ్చేఁగాక తప్పలు వెదకేనా తనతో(లో?) నేను ముప్పిరి దనకు నేను మోహించివున్నదాన చొప్పలెత్తి నామనసు సోదించవలెనా	॥చిత్త॥
గక్కనఁ జన్నులంటితే కానిమ్మని చొక్కెఁగాక తక్కరికై పెనఁగేనా తనతోనేను అక్కరఁ దనకు నేనాలనైతి నప్పడే ప్కన నన్నింత వొడఁ బరచఁగ వలెనా	॥చిత్త॥
వొత్తి నన్నుఁ జెనకితే వొప్పుగొని వుండేఁగాక తత్తరించి కొసరేనా తనతో నేను యిత్తల శ్రీవేంకటేశుఁ డేలె నన్నుఁదగులైతి కొత్తలుగా నన్ను వేఁడుకొన నింత వలెనా	॥చిత్త॥