ఆంధ్రభారతి - తాళ్లపాక అన్నమాచార్య కీర్తనలు - తన మేలుదాననని తలఁపునఁ బెట్టుమను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1949-6
సంపుటము: 29-234

తాళ్లపాక అన్నమాచార్య

రాగము: భైరవి

తన మేలుదాననని తలఁపునఁ బెట్టుమను వినయముతోఁ జెలి విన్నవించి రావె	॥పల్లవి॥
చిత్తమున నెట్టుండెనో చిమ్మితిఁ గొనగోరను కొత్త సతుల సుద్దుల కోరి చెప్పఁగా వొత్తి మాఁటలాడితి వొద్ద నందరు నుండఁగా తత్తరుపుఁ గాంతలను తప్పక చూడఁగను	॥తన॥
కోపగించఁడుగదా గొణఁగుతాఁ దిట్టితి రాఁపుల సతులతో సరసమాడఁగా కాఁపురము సేయుమని గయ్యాళించి పెనఁగితి పైపై దిమ్మరితనాలపడఁతుల నంటఁగా	॥తన॥
సంతోసించుకొనెనో సాగిలి నే మొక్కితి చింతదీర నామీఁదనే సేస చల్లఁగా ఇంతలో శ్రీవేంకటేశుఁ డేలఁగా దేవులనైతి మంతనాన నన్నే కడు మన్నించఁగాను	॥తన॥