Display:
శృంగార సంకీర్తన
రేకు: 1950-1
సంపుటము: 29-235
తాళ్లపాక అన్నమాచార్య
రాగము: దేశాక్షి
విందువు రావయ్యా వేడుక నీకుఁ గలిగితే
అంది తలఁచుకోవయ్యా ఆపె నీలో పొందులు
॥పల్లవి॥
కొప్పు నిక్కఁ బెట్టుకొని గుబ్బలాఁడి యొక్కతె
అప్పటనుండి వాకిట నడిగీ నిన్ను
పిప్పిగట్ట విడేలు పెదవినిండాఁ జేసి
చెప్పీనదె నీ తన చిన్ననాటి సుద్దులు
॥విందు॥
కన్నులారుచుకొంటాను కతకారి తానొకతె
నిన్నుఁ జూడఁ దమకించీ నెయ్యముతోడ
చిన్ని చెక్కులవెంటాను చిప్పిల జవ్వాది గార
కిన్నెరలో వాయించీ మిక్కిలి నీపై చిందులు
॥విందు॥
వాడికమాఁటలులోడ వాకిలి దెరచుకొని
యీడకు వచ్చినది నీయెదుటికిని
కూడితివి నన్నుఁ దొల్లె గుట్టున శ్రీవేంకటేశ
వీడె మిచ్చి మేచ్చీ నిన్ను వింత వింత లాగులా
॥విందు॥
AndhraBharati AMdhra bhArati - telugu కీర్తన సాహిత్యము