ఆంధ్రభారతి - తాళ్లపాక అన్నమాచార్య కీర్తనలు - అలుగను సేయను ఆరడి నేల పెట్టీనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1952-4
సంపుటము: 29-250

తాళ్లపాక అన్నమాచార్య

రాగము: ఆహిరి

అలుగను సేయను ఆరడి నేల పెట్టీనే చెలియ నీవైనా బుద్ది చెప్పవే యీతనికి	॥పల్లవి॥
మోము దప్పక చూచితి ముచ్చటతో నవ్వితి ప్రేమముతో మాఁటలాడి పీఁట వెట్టితి కామించి తా వేఁడుకొంటే కానిమ్మని ఇయ్యకొంటి యేమిసేయుమనీనే యింకాఁదాను	॥అలు॥
వీడెము చేతికిచ్చి వెసఁ బానుపు వేసితి పాడి పాడి వేగినంతా పదా లొత్తితి వాడుదేర నిట్టె యాలవట్టమూను విసరితి యీడువెట్టుకొని యింకా నెంత వేఁడుకొనీనే	॥అలు॥
చేతులెత్తి మొక్కితి సేవలెల్లాఁ జేసితి కాతరాన నిమ్మపండు కానుకిచ్చితి యీతల శ్రీవేంకటేశుఁ డిన్నిటాను నన్నుఁగూడె యేతులు నే నెరఁగను యేల రట్టు సేసీనే	॥అలు॥