ఆంధ్రభారతి - తాళ్లపాక అన్నమాచార్య కీర్తనలు - అంగనామణి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 69 సంకీర్తన: 68
ప్రత్యేక సంపుటము - సంకీర్తన: 1

తాళ్లపాక అన్నమాచార్య

రాగము: పంతువరాళి

అంగనామణి కు - రంగలోచన భు - జంగ కచభారవే మంగళ మలమేలు - మంగవు మదన సం-గర సవ్యసాచివే	॥పల్లవి॥
గబ్బి నీ ప్రాణేశు - డబ్బిన రతుల - నుబ్బీ ముంగురులు - గొబ్బున నొడిసీ నిబ్బరంబు నీ - గుబ్బల నురవు - దొబ్బీ యబ్బురముగా జొబ్బిల్లు కస్తూరి - గుబ్బలచెమట - గుబ్బెత లెల్ల - గుబ్బ లనగా మబ్బుతేలి కడు - శిబ్బితి వేళల - అబ్బలబ్బలని - అసురుసురైతివి	॥అంగనా॥
మించి నీతో నెది - రించిన విభునీ - వంచీ కౌగిట బి - గించీ మోవప్ప ళించి తమ్ములము - నించి నీ గుణముల - నెంచి మంచి విరుల - ముంచిన శయ్యపై నుంచి యెద తా - టించి రవము గీ - లించి రాగె బి-గించి మర్మము కరి గించి చలము సా - ధించి మేలు పచ - రించితి వలమేలుమంగ వైతివి	॥అంగనా॥
పంకజముఖి ని - శ్శంక నాయక గ - జాంకుశ యుత న - ఖాంక వర బిరు దాంకురాల వని - పొంక మొప్పగా - కంకణము గట్టి - అంకెల శ్రీరమణ వేంకటేశ్వరుని - బింకముతో పరి - యంకమున మక - రాంకుని కేళిని సుంకణగించితి - వింక నీ సాటి - (కొంకు లేనట్టివా) రింతు లున్నారా	॥అంగనా॥