ఆంధ్రభారతి - తాళ్లపాక అన్నమాచార్య కీర్తనలు - ఇట్టే నా సేవలును యిచ్చేటి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 82 సంకీర్తన: 82
ప్రత్యేక సంపుటము - సంకీర్తన: 35

తాళ్లపాక పెదతిరుమలాచార్య

రాగము: శంకరాభరణం

ఇట్టే నా సేవలును యిచ్చేటి నీ యీవులును గట్టిగా నే నల్పుఁడను ఘనుఁడవు నీవు	॥పల్లవి॥
చిన్ననిమ్మపండే కాదా చేతికిచ్చి రాజులచే యెన్నరాని భూములకు నేలికయ్యేది పన్ని పేరుకొని యొకపద్యము చెప్పే కాదా సన్నల సర్వార్థములు బాగము కొనేది	॥ఇట్టే॥
గవ్వవేసి తూఁచి కాదా ఘనమైన వజ్రము చివ్వనను విలువలు చేసుకొనేది అవ్వల జుట్టెఁడు తాఁటియాకువాసి వేసి కాదా యెవ్వరిచే ధనమైనా నిప్పించుకొనేది	॥ఇట్టే॥
కసవుకట్టలు వేసి కాదా గోవులచేత కొసరుచుఁ బాలిప్పించుకొనియెడిది యెసఁగ శ్రీవేంకటేశ యిట్టే నేను మొక్కి కాదా పసగల నీ కృపకుఁ బాత్రుఁడ నైనది	॥ఇట్టే॥

(ఈ సంకీర్తన 15వ సంపుటంలో 282వ సంకీర్తనగా ఉంది.)