ఆంధ్రభారతి - తాళ్లపాక అన్నమాచార్య కీర్తనలు - ఇది నమ్మరాదు మన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 29 సంకీర్తన: 27
ప్రత్యేక సంపుటము - సంకీర్తన: 36

తాళ్లపాక అన్నమాచార్య

రాగము: లుప్తము

ఇది నమ్మరాదు మన - మెన్నటికిని పదిలము గాదిది - పాతకపు గొంప	॥పల్లవి॥
యెనసి కట్టిన యిండు - లెమ్ముకలె వాసాలు పెనగొన్న నరములే - పెండెకట్లు ఘనమైన చర్మంబు - కప్పు యిందుకును మొనసి కట్టిన యంట్ల - మొత్తమీ కొంప	॥ఇది॥
వాకిండ్లు తొమ్మిది - వరుసలో నిందుకును ఆకలియు దప్పులును - అను దినమును మూకలను గూడుకొని - ముచ్చులొక యైదుగురు చేకొని యుండేటి - చెరసాల కొంప	॥ఇది॥
సారమా నేటి సం- సారమే సంకెళ్లు భారంపు కర్మాలు - పైకావలి కోరి శ్రీవేంకటేశుఁ- గొలువ నేరనివాఁడు యీ రీతినే వీడు - నీ మాయకొంప	॥ఇది॥