ఆంధ్రభారతి - తాళ్లపాక అన్నమాచార్య కీర్తనలు - ఇన్ని యుపాయము లింక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 137 సంకీర్తన: 139
ప్రత్యేక సంపుటము - సంకీర్తన: 37

తాళ్లపాక పెదతిరుమలాచార్య

రాగము: గుజ్జరి

ఇన్ని యుపాయము లింక నేడ కెక్కు శ్రీహరి పన్ని నీ ^[1]మఱఁగు చొచ్చి పాయకుండీఁ గాక	॥పల్లవి॥
అనంతకోటి జన్మములందుఁ జేసిన పాపములు మొనసి నే నొక జన్మమున నీఁగినా ననిచి కర్మానుష్ఠానము నేఁడు సేయఁబోతే పనివడి ముంతనీట బడబాగ్ని ఆరునా	॥ఇన్ని॥
పెక్కు కవిలెలవ్రాఁత కుంభీపాకరౌరవాలు వొక్క దేహాననే పొంది వుత్తరించేనా తక్కక నేఁడీ ఘోరతపములు ^[2]సేయఁబోతే గక్కన జలధి బుఱ్ఱకాయ నిండేనా	॥ఇన్ని॥
బలువై అనాది వేళ్లు వారిన సంసారము తలమోచి నేఁడింతలో తవ్వివేసేనా నెలవై శ్రీవేంకటేశ నే నేఁడు పుణ్యమంటితే చెలఁగి పెను ^[3] గాలికి చింపిచేఁటలడ్డమా	॥ఇన్ని॥

(ఈ సంకీర్తన 15వ సంపుటంలో 10వ సంకీర్తనగా ఉంది.)

^[1] మరంగు
^[2] శాయంబోతే
^[3] ఘాలికి