(ఇరు కత్తులొక్క యొర - యింతి! యెట్లుండె? తరితీపులెట్లైన - దమి యొకటె గదరా! )[1]	॥పల్లవి॥
(జుట్టు బాయని జోడు - జక్కవ పిట్టలు గుట్టుగా పడఁతి! యెద - గూడుండెనే తెట్టెలై సరసాంబు)[2] - ధిలో రెండు గుట్టలు తల దాచు - కొని యుండవేరా	॥ఇరు॥
తలచ చేగకు బుట్టు - తరుణి! నీ కన్నులు యెలమి రెప్పల (నెట్టు - లిమి)[3] డుండెనే పలచగా కరసాన - బట్టిన క్రొవ్వాడి[4] యలుగులు దొన లందు - నణిగుండ వేరా	॥ఇరు॥
చూడ వేడుకయైన[5] - సుదతి! నీ నుదు[6] రెట్టు యీడు కురులలోన - నిమిడుండెనే యీడైన దిరువేంక-టేశుండ![7] తొలు సందె కాడ చంద్రుని మబ్బు - గప్పియుండ దేరా!	॥ఇరు॥

---

^[1] (శిథిల పూరణము)
^[2] (శిథిల పూరణము)
^[3] యలమి రెప్పలలోనయిమి
^[4] పలచగాఁట్టిన క్రొవ్వాండి కడసాన
^[5] లైన
^[6] నిదు
^[7] వేంకటప్పడ (యతిభంగము)