ఆంధ్రభారతి - తాళ్లపాక అన్నమాచార్య కీర్తనలు - ఈ తప్పు జేసినందుకా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 47 సంకీర్తన: 46
ప్రత్యేక సంపుటము - సంకీర్తన: 40

తాళ్లపాక అన్నమాచార్య

రాగము: శంకరాభరణం

ఈ తప్పు జేసినందుకా - యింత జేసేది మతకరివాని పొందు - మరి నమ్మ దగదు	॥పల్లవి॥
కలికి! నీ గుబ్బలపై - గందము బూసినందుకా వులికి నన్ను జూసి - వొరసేది యిలలో కఠినుల - కెంత సేవ చేసినా మొన(ల?) జూపేది వారి గుణ - ముగదె చెలియ	॥ఈ తప్పు॥
ముదిత! నీ కెమ్మోవి - ముద్దు గొన్నందుకా చెదరిన రాగముతొ - జిమ్మిరేగేది! పదరి బత్తి సేసితే - పలుచనివాఁడు, తన యెదలోనినొప్పిగా - నెంచగా దలఁచునా	॥ఈ తప్పు॥
కామిని నీ మేను బిగ్గె - కౌగిలించినందుకా చేముంచి రతుల నన్ను - జెనకేది! యీ మై శ్రీవేంకటప్పఁ - డెద నుంచినందుకా వోమి నా చేత తన - వోజలు విడి(చేది)!	॥ఈ తప్పు॥