ఆంధ్రభారతి - తాళ్లపాక అన్నమాచార్య కీర్తనలు - ఈయవే నాకభయంబు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 43 సంకీర్తన: 42
ప్రత్యేక సంపుటము - సంకీర్తన: 41

తాళ్లపాక అన్నమాచార్య

రాగము: లుప్తము

ఈయవే నాకభయంబు - యింతిరో! నీవు నేను పాయము కాయము (గదిసి) - పదవిపై నుందామే	॥పల్లవి॥
తమకపువాన గురిసెనే - తరుణీ! తాళగలేనే ప్రమదముతో నేనీ పయ్యెద - పంచ జేరియుండేనే కొమరుదేంట్లు తరమీనే - కోమలి వెరపయ్యీనే, నె య్యము మీరగ జోడుకూడి నీ - యండనె జేరుండేనే	॥ఈయవే॥
వలపు వెల్లిబారీనే ఓ - వనితా యీదగలేనే కొలదిమీరు నీ చను - గొండలైన బ్రాకుండేనే చిలుకు చిగురు మరుడేసీనే ఓ - చెలియా తాళగలేనే కలికీ! నీకౌగిటి పాళ్యాననైన - కాపురముండేనే	॥ఈయవే॥
వేడి వెన్నెల చీకట్లాయనే - వెలదీ దిగవిడువకువే చూడజూడ నీ చూపుల వెలుగున - సుఖమువాడనై వుండేనే నాడెల్లా నేలు శ్రీవేంకట - నాథుఁడ రమ్మని కూడితివి జోడువీడక మేడమీద - వేడుకతో గూడుందామే	॥ఈయవే॥