ఆంధ్రభారతి - తాళ్లపాక అన్నమాచార్య కీర్తనలు - ఉవిదతనులత యేఁటికులికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 267 సంకీర్తన: 282
ప్రత్యేక సంపుటము - సంకీర్తన: 44

తాళ్లపాక అన్నమాచార్య

రాగము: ఆహిరి - జంపె

ఉవిదతనులత యేఁటికులికి పడెనే కవ మదనబాణాగ్నిఁ గాఁగదుగదా	॥పల్లవి॥
వనితలావణ్యంపు వదనశశికలములు చనుగిరులపైనేల జారిపడెనే వెనకఁదుర(రు?)మను రాహు వేవేలు రూపులై తనర ముఖచందురుఁడు తలకఁడుగదా	॥ఉవిద॥
మొలకలై గుమురులై ముదితమై మరునంప- ములుకులంతటనేల ముణుఁగఁబడెనే పొలయు మరునస్త్రమటు ^[1] పుంఖానుపుంఖములు పొలఁతిమీఁదనె రాశివోయఁడు గదా	॥ఉవిద॥
కొమరైన పెనుదండు కుసుమాయుధుఁడు గదలి తెమలి రాకిపుడెట్లఁ దిరుగఁబడెనే విమలాంగికౌఁగిటను వేంకటేశ్వరునిఁ గని భ్రమసి ప్రతిదండనుచు పదరఁడుగదా	॥ఉవిద॥

(ఈ సంకీర్తన 5వ సంపుటంలో 348వ సంకీర్తనగా ఉంది.)

^[1] ములు