ఆంధ్రభారతి - తాళ్లపాక అన్నమాచార్య కీర్తనలు - ఎంతకత నడిపితివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 170 సంకీర్తన: 175
ప్రత్యేక సంపుటము - సంకీర్తన: 45

తాళ్లపాక అన్నమాచార్య

రాగము: నాదనామక్రియ

ఎంతకత నడపితి వేమి జోలిఁ బెట్టితివి చింతించ లోకములు నీచేతివే కావా	॥పల్లవి॥
కౌరవులఁ బాండవుల కలహము వెట్టనేల నేరిచి సారథ్యము నెఱపనేలా కోరి భూభార మణఁచే కొరకైతే నీచే చక్ర- మూరకే వేసితే దుష్టు లొక్కమాటే తెగరా	॥ఎంత॥
చేకొని వానరులఁగాఁ జేయనేల దేవతల జోకతో లంకాపురి చుట్టుకోనేల కాకాసురు వేసినకసవే రావణుమీఁద- నాకడఁ జంపువెట్టితే నప్పుడే సమయఁడా	॥ఎంత॥
గక్కన శ్రీవేంకటేశ కంబములో వెళ్లనేల చొక్కముగాఁ బ్రహ్లాదుఁడు చూపఁగనేల చిక్కక హిరణ్యకశిపునాత్మలో నుండక తక్కించి నీవెడసితే తానే పొలియఁడా	॥ఎంత॥

(ఈ సంకీర్తన 2వ సంపుటంలో 315వ సంకీర్తనగా ఉంది.)