Display:
సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 255 సంకీర్తన: 268
ప్రత్యేక సంపుటము - సంకీర్తన: 111
తాళ్లపాక అన్నమాచార్య
రాగము: లుప్తము
గుజగుజ రే - కుల (బాడనియ్యము)
అజుడు శివుడు వచ్చి - యడిగినగాని
॥పల్లవి॥
యిట్టి మాయింటికి తానె - యేగివచ్చినగాని
చెట్టబట్టి బువ్వాన బో - సేసినగాని
(పట్ట)పు రా(ణి పగిది) - పాలించీ ననినగాని
పెట్టు ముత్యాల సేసతో - బెండ్లాడినగాని
॥గుజ॥
సంగతి సరిలేని (నిక్కు)- జాలించినను (గాని)
అంగనపై నెవ్వతె దే - ననినగాని
అంగడి బెట్టక నింతితో - నలుగనంటే గాని
చెంగట మిమ్మిందరి ర - క్షించేనంటే గాని
॥గుజ॥
వొప్పుల మోవి సతికి - వుంకువ యిచ్చినగాని
యెప్పుడును సతి నిట్లే - యేలినగాని
అప్పడు వేంకటరాయ - అలమేల్మంగ నాంచారి
తెప్పిరి కొమ్మ నెద - దించనంటే గాని
॥గుజ॥
AndhraBharati AMdhra bhArati - telugu కీర్తన సాహిత్యము