ఆంధ్రభారతి - తాళ్లపాక అన్నమాచార్య కీర్తనలు - దేవ నావలన గుణము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 147 సంకీర్తన: 149
ప్రత్యేక సంపుటము - సంకీర్తన: 146

తాళ్లపాక పెదతిరుమలాచార్య

రాగము: లుప్తము

దేవ ^[1]నావలన గుణము తెలిసి కాచే ననేటి యీ వెఱ్ఱితనము మాని యిట్టే నన్నుఁగావవే	॥పల్లవి॥
నేరుపే నాకుఁ ^[2]గలిగితే నెట్టన నింద్రియముల బారిఁబడి బంటనై పంపుసేతునా ఆరీతి నేనే వివేకి నైతే హేయపుమేను కోరి బ్రహ్మమని నమ్మి కొంకక గర్వింతునా	॥దేవ॥
నాలో బుద్ధి గలిగితే నలిఁ గామక్రోధములు యీ లీల నాసొమ్ము లని యెన్నుకొందునా తాలిమి నాయందు మంచితనములు గలిగితే మూలనున్న నా కర్మములే కట్టివేసునా	॥దేవ॥
చిత్తమే కైవసమైతే చేరి సుఖదుఃఖముల మత్తుఁడనై మఱచి యేమరివుందునా అత్తిన శ్రీవేంకటేశ అంతర్యామిని నీవు తత్తరపు నా పస నీ ^[3]వెఱుఁగవా	॥దేవ॥

(ఈ సంకీర్తన 15వ సంపుటంలో 12వ సంకీర్తనగా ఉంది.)

^[1] నావల్న
^[2] గటీతే
^[3] నీవెరంగవా