Display:
సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 112 సంకీర్తన: 112
ప్రత్యేక సంపుటము - సంకీర్తన: 177
తాళ్లపాక అన్నమాచార్య
రాగము: లుప్తము
నే మానవతినౌట - నిజమాయ గాన
క్షే(మంబు గూర్చుకొను - సి)ద్ధి యౌగాక
॥పల్లవి॥
యించువిలుకా(డట) - యించ నెంచీని
పంచబాణములతో - భస్మమౌగాక
మించి పున్నమరాజు - మిన్నంది కాసీని
యించు కించుక కళా - హీనుడౌగాక
॥నే॥
(పలు)మారు పూదోట - పై నేగుదెం(చీని)
చలిగాలి పెనుబాము - సమయించుగాక
యెలమావికొమ్మపై - చెలరేగి పలి(కీని)
చిలుక పంజరములో - (చెఱపడును) గాక
॥నే॥
(స్మరుడు విరహుల నేచు - సమయమే) పాయ
సరసుడౌ (విభు గూర్చు) - సమయ మౌగాక
మరుకేళి యలమేలు - మంగ శ్రీవేంకటపతి
కరుణించి రతుల నను - కరిగించుగాక
॥నే॥
AndhraBharati AMdhra bhArati - telugu కీర్తన సాహిత్యము