Display:
సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 51 సంకీర్తన: 50
ప్రత్యేక సంపుటము - సంకీర్తన: 181
తాళ్లపాక అన్నమాచార్య
రాగము: లుప్తము
పడుచ! (నీ) విప్పుడే - (వలవంత గూర్చేవు
కడు ప్రోడవై యెంత - గాసి) సేసెదవో
॥పల్లవి॥
తలిరుబోణి! యిపుడె - మొలచె నింతలు చనులు
వెలయ ముందరి కేలె -విరిగేవే?
కొలదిలే కవి మీరి - కొండ లంతేసిగా
(చెలగిన) యపు డెంత - సేయగల దానవో
॥పడుచ!॥
చేడె! యిప్పుడె కురులు - తోడాయె నిదె జడకు
వేడుక వెనుక కేల - విరిగేవే?
మోడు వీ డవి మీద - మోపరాని పాటిగా
గూడగల యపు డెట్టి - జాడ నుండేవో
॥పడుచ!॥
భామ! యిపుడు వేంకట - పతి చెట్టబట్టేవు
యీమారు యిరుమేల - నేల విరిగేవే?
ప్రేమ కడు మీరగా - పెచ్చుపెరిగిన రతి
సీమ నేలే యప్పు - డే మేర నుందువో
॥పడుచ!॥
AndhraBharati AMdhra bhArati - telugu కీర్తన సాహిత్యము