ఆంధ్రభారతి - తాళ్లపాక అన్నమాచార్య కీర్తనలు - పొడగంటిమయ్య మిమ్ము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 52 సంకీర్తన: 51
ప్రత్యేక సంపుటము - సంకీర్తన: 194

తాళ్లపాక అన్నమాచార్య

రాగము: శంకరాభరణం - అట

పొడగంటిమయ్య మిమ్ము పురుషోత్తమా, మమ్ము నెడయకవయ్య కోనేటిరాయఁడా	॥పల్లవి॥
కోరి మమ్ము నేలినట్టి కులదైవమా, చాల నేరిచి పెద్దలిచ్చిన నిధానమా గారవించి దప్పిదీర్చు కాలమేఘమా, మాకు చేరువఁ జిత్తములోని శ్రీనివాసుఁడా	॥పొడగంటి॥
భావింపఁ గైవసమైన పారిజాతమా, మమ్ము చేవదేరఁ గాచినట్టి చింతామణీ కావించి కోరిక లిచ్చే కామధేనువా, మమ్ము తావై రక్షించేటి ధరణీధరా	॥పొడగంటి॥
చెడనీక బ్రదికించే సిద్ధమంత్రమా, రోగా లడఁచి రక్షించే దివ్యౌషధమా బడిఁబాయక తిరిగే ప్రాణబంధుఁడా, మమ్ము గడియించినట్టి శ్రీవేంకటనాథుఁడా	॥పొడగంటి॥