ఆంధ్రభారతి - తాళ్లపాక అన్నమాచార్య కీర్తనలు - పొద్దుబోదా నీకు నేమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 233 సంకీర్తన: 244
ప్రత్యేక సంపుటము - సంకీర్తన: 195

తాళ్లపాక చినతిరుమలాచార్య

రాగము: శంకరాభరణం

పొద్దుబోదా నీకు నేమి - పురుషోత్తమా, మేలు సిద్దవిద్య లాడేవు - శ్రీపురుషోత్తమా!	॥పల్లవి॥
పట్టిపట్టి యాడేవు పడతుల కుచములు - పుట్టచెండా నీకు పురుషోత్తమా! దొట్టిన వేడుక రొమ్ము దొక్కి యిందరుండగాను - చిట్టకములు మానవైతి శ్రీపురుషోత్తమా!	॥పొద్దు॥
లలనకెమ్మోవులకు గుక్కిళ్లు మింగేవు - పులకండమా నీకు పురుషోత్తమా వెలలేని భూకాంత వీపెక్కి వున్న - దెవ్వరి చెలి మీద చేయి చాచేవు శ్రీపురుషోత్తమా!	॥పొద్దు॥
కావరించి యింతుల పులకల తావులు గొనేవు - పూవు దండలా నీకు పురుషోత్తమా! చేవ నన్ను గూడితివి శ్రీవేంకటనాథుడవై - శ్రీవధూటినా నీకు పురుషోత్తమా	॥పొద్దు॥