పొద్దువోకలివి నీకు భువిలో నెన్నఁగ నీ సుద్దులు చెప్పెదమన్న చూడఁజూడఁ గొత్తలు	॥పల్లవి॥
మోఁతనీటిలోని యీఁత మూఁపునఁ బుట్టిన[1] మేఁత మూఁతిమీఁది కత్తికోఁత మొనగోరివాఁత[2] బాఁతిలేని దారవోఁత పాపముచూడనిచేఁత నాఁతిమీఁది తలపోఁత నాఁగేటిగీఁత	॥పొద్దు॥
వలపు చల్లినలాగు వాజినెక్కినబాగు వలసి నొల్లములైన వలవనిజాగు తెలిసితిమిదెనేఁడు తిరువేంకటేశ్వర తలఁపు ప్రాణులమీఁదఁ దగులుటేలాగు[3]	॥పొద్దు॥

---

(ఈ సంకీర్తన 5వ సంపుటంలో 275వ సంకీర్తనగా ఉంది.)

^[1] నిడురేకు 88: బెట్టిన, తా. వేం. 155: మోఁత
^[2] నిడురేకు: వ్రాఁత
^[3] దగిలేటి లాగు