పొలతి జవ్వనముపైఁ - బుయ్యకపూచె యీ తలఁపు[1] దెలియలే (రీతరి) యిం - దుల కేమి[2] సేతామె	॥పల్లవి॥
సతి చి(ంతా )లతలను - సంపెంగ పువ్వులే (పూచె)[3] మతి విరహము మేన - మల్లెలు పూచె అతని నా తలపోఁత[4] - నడవి జాజులుపూచె యీతరి దెలియలే - రిందుల[5] కేమి సేతామె	॥పొలతి॥
తొయ్యలి చెమట నీట - దొంతి తామెరలెపూచె కొయ్యచూపు నటనలఁ[6] - గుంకుమపూచె కయ్యపు వలపులఁ జీఁ - కటిమాకులేపూచె యియ్యెడ దెలియ - రిందుల కేమి[7] సేతామె	॥పొలతి॥
మగువరతుల నిట[8] - మంకెన పువ్వులేపూచె మొగిఁ గొనగోళ్లనే - మొగలిపూచె పొగడు[9] శ్రీవేంకటేశు - పొందులఁ గ్రోవి[10] పూచె యిగురుబోణులార - యిందుల కేమిసేతామె	॥పొలతి॥

---

(ఈ సంకీర్తన 24వ సంపుటంలో 8వ సంకీర్తనగా ఉంది.)

^[1] పొలిఁతి జవ్వనమునఁ బూవకపూచె (ముద్రిత పాఠము)
^[2] యెలమి విందుకు మనమేమి (ముద్రిత పాఠము)
^[3] (పూచె) వ్రాతప్రతిలో లుప్తము
^[4] అతనుని తలఁపోఁత (ముద్రిత పాఠము)
^[5] హితవు దెలియదిక (ముద్రిత పాఠము)
^[6] కొయ్యచూపుఁ గోపముల (ముద్రిత పాఠము)
^[7] నియ్యెడఁ జెలియ భావమేమి (ముద్రిత పాఠము)
^[8] లోన (ముద్రిత పాఠము)
^[9] పొగరు (ముద్రిత పాఠము)
^[10] గప్రము (ముద్రిత పాఠము)